ഇന്റേണ്‍ഷിപ്പ് എങ്ങനെ കണ്ടെത്താം?

ഇന്നത്തെ മത്സരാധിഷ്ഠിതമായ ജോലി വിപണിയില്‍, ഇന്റേണ്‍ഷിപ്പ് (Internship) ഒരു കരിയര്‍ വളര്‍ച്ചയുടെ ആദ്യപടിയാണ്. കോളേജ് വിദ്യാര്‍ത്ഥികള്‍ക്കും പുതിയ ബിരുദധാരികള്‍ക്കും, വ്യവസായ പരിചയം നേടാനും, പ്രായോഗിക പഠനം ചെയ്യാനും, ഭാവിയിലെ തൊഴില്‍ സാധ്യതകള്‍ വര്‍ധിപ്പിക്കാനും ഇന്റേണ്‍ഷിപ്പ് വളരെ സഹായകരമാണ്. 

പ്രധാനമായും രണ്ടുതരം ഇന്റേണ്‍ഷിപ്പുകള്‍ ആണ് ശ്രദ്ധിക്കേണ്ടത്. സര്‍ട്ടിഫിക്കറ്റും ചെറിയരീതിയില്‍ സാമ്പത്തിക സഹായവും ലഭിക്കുന്നതും, സാമ്പത്തിക സഹായം ലഭിക്കില്ല എന്നാല്‍ സര്‍ട്ടിഫിക്കറ്റ് വാല്യൂ അവകാശപ്പെടാന്‍ കഴിയുന്നതുമായി ഇന്റേണ്‍ഷിപ്പുകള്‍ക്ക് മാത്രം മുന്‍ഗണന കൊടുക്കുക എന്നതാണ് ആദ്യപടി. ഇന്റേണ്‍ഷിപ്പ് തരാന്‍ പകരം അങ്ങോട്ട് ഫീസ് നല്‍കേണ്ടി വരുന്നവയും ഫ്രീബികള്‍ ഓഫര്‍ ചെയ്യുന്നതോ ആയിട്ടുള്ള ഇന്റേണ്‍ഷിപ്പുകള്‍ ശ്രദ്ധിച്ചു മാത്രം അറ്റന്‍ഡ് ചെയ്യുക.

ഇന്റേണ്‍ഷിപ്പുകള്‍ എങ്ങനെ കണ്ടെത്താം

1. സ്വയം വിശകലനം നടത്തുക

• ഏത് മേഖലയിലാണ് (Domain) ജോലി ചെയ്യാന്‍ ആഗ്രഹിക്കുന്നതെന്ന് വ്യക്തമാക്കുക.
• നിങ്ങളുടെ കഴിവുകള്‍, ഇഷ്ടങ്ങള്‍, കരിയര്‍ ലക്ഷ്യങ്ങള്‍ എന്നിവ പരിശോധിക്കുക.

2. കോളേജ്/വിദ്യാഭ്യാസ സ്ഥാപനത്തിന്റെ സഹായം തേടുക

• സര്‍വകലാശാലകള്‍ക്കും കോളേജുകള്‍ക്കും Career Guidance / Placement Cell ഉണ്ടായിരിക്കും. ഇവര്‍ സാധാരണയായി കമ്പനികളുമായി ബന്ധപ്പെട്ടു ഇന്റേണ്‍ഷിപ്പ് അവസരങ്ങള്‍ നല്‍കാറുണ്ട്.

3. ഓണ്‍ലൈന്‍ പ്ലാറ്റ്‌ഫോമുകള്‍ ഉപയോഗിക്കുക

• Internshala, LinkedIn, Indeed, Naukri, Campuzine പോലുള്ള വെബ്‌സൈറ്റുകളില്‍ അക്കൗണ്ട് സൃഷ്ടിക്കുക.
• പ്രൊഫൈല്‍ പുതുക്കി, നിങ്ങളുടെ കഴിവുകളും പ്രോജക്ടുകളും രേഖപ്പെടുത്തുക.

4. നെറ്റ്‌വര്‍ക്കിംഗ്  (Networking) ശക്തമാക്കുക

• അധ്യാപകര്‍, സീനിയര്‍മാര്‍, സുഹൃത്തുക്കള്‍ എന്നിവരോട് ഇന്റേണ്‍ഷിപ്പ് അവസരങ്ങള്‍ ചോദിക്കുക.
• പ്രൊഫഷണല്‍ ഇവന്റുകള്‍, വെബിനാറുകള്‍, വര്‍ക്ക്ഷോപ്പുകള്‍ എന്നിവയില്‍ പങ്കെടുക്കുക.

5. മികച്ച റെസ്യൂം / സി.വി തയ്യാറാക്കുക

• നിങ്ങളുടെ വിദ്യാഭ്യാസം, കഴിവുകള്‍, പ്രോജക്ടുകള്‍, നേട്ടങ്ങള്‍ എന്നിവ വ്യക്തമായി രേഖപ്പെടുത്തുക.
• ''Objective' ഭാഗത്ത്, ''വ്യവസായ പരിചയം നേടാനും കരിയര്‍ വളര്‍ച്ചയ്ക്കായി പ്രവര്‍ത്തിക്കാനുമാണ് ലക്ഷ്യം'' എന്ന് വ്യക്തമാക്കാം.

6. നേരിട്ട് കമ്പനികളെ സമീപിക്കുക

• താല്‍പര്യമുള്ള കമ്പനികളുടെ ഔദ്യോഗിക വെബ്‌സൈറ്റിലെ Careers / Internship വിഭാഗം പരിശോധിക്കുക.
• HR-നെ നേരിട്ട് ഇമെയില്‍ അയച്ച് നിങ്ങളുടെ താല്‍പര്യം അറിയിക്കുക.

7. ഇന്റര്‍വ്യൂവിന് തയ്യാറാകുക

• ഇന്റേണ്‍ഷിപ്പിന് മുന്നോടിയായുള്ള അഭിമുഖവും പ്രധാനമാണ്. 
• ''എന്തുകൊണ്ടാണ് ഈ ഇന്റേണ്‍ഷിപ്പ് ചെയ്യാന്‍ ആഗ്രഹിക്കുന്നത്?''
• ''നിങ്ങളുടെ കഴിവുകള്‍ കമ്പനിക്ക് എങ്ങനെ സഹായകരമാകും?''
• ഇതുപോലുള്ള ചോദ്യങ്ങള്‍ക്ക് മറുപടി തയ്യാറാക്കുക.

8. ചെറുതായാലും കിട്ടുന്ന അവസരങ്ങളെ ഉപയോഗപ്പെടുത്തണം 

• സ്റ്റാര്‍ട്ടപ്പുകളിലും ചെറിയ സ്ഥാപനങ്ങളിലുമുള്ള ഇന്റേണ്‍ഷിപ്പുകള്‍ പോലും നല്ല പഠനാവസരങ്ങള്‍ നല്‍കും.
• അവിടെ ലഭിക്കുന്ന പരിചയം, ഭാവിയില്‍ വലിയ സ്ഥാപനങ്ങളില്‍ പ്രവേശിക്കാന്‍ സഹായിക്കും.

മനസില്‍ കരുതാം: ഇന്റേണ്‍ഷിപ്പ് ഒരുപക്ഷേ ജോലി ലഭിക്കാനുള്ള ആദ്യ പടിയായിരിക്കും. ശരിയായ തയ്യാറെടുപ്പും, മികച്ച റിസ്യൂവും, ശക്തമായ നെറ്റ്വര്‍ക്കിംഗും ഉണ്ടെങ്കില്‍, നിങ്ങള്‍ക്ക് ആവശ്യമായ മേഖലയിലെ ഇന്റേണ്‍ഷിപ്പ് കണ്ടെത്താന്‍ വളരെ എളുപ്പമായിരിക്കും.